سامحوني.....ساتكلم بالعاميه لسهوله فهمها و التفاعل معها
مبدئيا عارف ان الجماهير العظيمه حزينه....بطريقه متعودناش عليها.....احنا الاهلي...معقوله الاهلي يحصل فيه كده
من كام سنه كنت بشم رائحه الخوف من المنافسين لما يسمعوا انهم هيقابلوا الاهلي
على المستوى المحلي كانت فرق الدوري بتدافع باقصى درجه ليها و تتمنى انها تخسر واحد صفر و يا سلام بقى لو تتعادل مع الاهلي....ده يبقى يوم سعدها
على المستوى الافريقي من سنه 2006 و كل الفرق و الاتحاد الافريقي نفسه بيرشحوا الاهلي للفوز بالبطوله و كان الاهلي يدخل دور المجموعات يفرم الفرق كلها و يتاهل بسهوله
و دارت الايام و السنين و مانويل جوزيه الاسطوره قاعد يلم في البطولات و يهتك عرض اي فرقه قدامه
وصلنا لسنه 2009 و بدات احس ان الاهلي مستواه بقى في النازل و مع ذلك برضه اخدنا الدوري و بدات النتايج تترنح في افريقيا
مرورا بعهد حسام البدري و زيزو و الخروج الافريقي بهدف انرامو الشهير.....و رجع جوزيهو رجه معاه الدوري بعد صراع رهيب مع الزمالك و دخلنا دور المجموعات في افريقيا
و فوجئت اننا بقينا ملطشه......الوداد المغربي مع احترامي ليه مينفعش يتقارن بالاهلي
نفس الحكايه المولوديه......لكن شخصيا احترم الترجي الفريق "الغتت" و مستغربتش اداؤه القوي و استحقاقه التاهل
قلنا ماشي خيرها في غيرها نركز في الكاس....خرجنا من الكاس بنيران صديقه من المدافع الشاب الموهوب رامي ربيعه اللي عايز اقوله ولا تزعل نفسك انت ممتاز و ليك مستقبل باهر و انسى البطوله و الهدف ده ولا كانه حصل
و عان مطولش عليكوا
ايوه خرجنا من دوري ابطال افريقيا
ايوه خرجنا من كاس مصر
ايوه اداء الاهلي سيء جدا
ايوه جوزيه مش دي اللي احنا عارفينه
ايوه لاعيبه كتير مستواها قل
ايوه الحكام ضدنا
ايوه فيه سوء حظ غريب بعد الخروج الافريقي بفرق هدف عن الوداد و جون رامي ربيعه
و لكن....
احنا الاهلي....افتكروا امجادنا و انتصارتنا
احنا مع الاهلي على طول
عمرنا ما هنبطل نشجعه
النادي كله محتاجلنا مش اللاعبين و جوزيه بس
جوزيه بيغلط كتير بس ياما عملنا كتير لازم نقف جنبه و نسانده
لازم نشجع كل اللي بيمثل النادي
كبوه و هتعدي ان شاء الله
و على راي تامر حسني اللي جاي احلى.....بكره هنولع في كل الفرق و نكسبها رايح جاي ان شاء الله
لازم نصمد وقت الزنقه....مش من اول مشكله او من اول مشكله صعبه نطلع نجري
لا لازم نثبت و نفضل ورا الاهلي
و اخيرا
بحبك يا اهلي على طول
مبدئيا عارف ان الجماهير العظيمه حزينه....بطريقه متعودناش عليها.....احنا الاهلي...معقوله الاهلي يحصل فيه كده
من كام سنه كنت بشم رائحه الخوف من المنافسين لما يسمعوا انهم هيقابلوا الاهلي
على المستوى المحلي كانت فرق الدوري بتدافع باقصى درجه ليها و تتمنى انها تخسر واحد صفر و يا سلام بقى لو تتعادل مع الاهلي....ده يبقى يوم سعدها
على المستوى الافريقي من سنه 2006 و كل الفرق و الاتحاد الافريقي نفسه بيرشحوا الاهلي للفوز بالبطوله و كان الاهلي يدخل دور المجموعات يفرم الفرق كلها و يتاهل بسهوله
و دارت الايام و السنين و مانويل جوزيه الاسطوره قاعد يلم في البطولات و يهتك عرض اي فرقه قدامه
وصلنا لسنه 2009 و بدات احس ان الاهلي مستواه بقى في النازل و مع ذلك برضه اخدنا الدوري و بدات النتايج تترنح في افريقيا
مرورا بعهد حسام البدري و زيزو و الخروج الافريقي بهدف انرامو الشهير.....و رجع جوزيهو رجه معاه الدوري بعد صراع رهيب مع الزمالك و دخلنا دور المجموعات في افريقيا
و فوجئت اننا بقينا ملطشه......الوداد المغربي مع احترامي ليه مينفعش يتقارن بالاهلي
نفس الحكايه المولوديه......لكن شخصيا احترم الترجي الفريق "الغتت" و مستغربتش اداؤه القوي و استحقاقه التاهل
قلنا ماشي خيرها في غيرها نركز في الكاس....خرجنا من الكاس بنيران صديقه من المدافع الشاب الموهوب رامي ربيعه اللي عايز اقوله ولا تزعل نفسك انت ممتاز و ليك مستقبل باهر و انسى البطوله و الهدف ده ولا كانه حصل
و عان مطولش عليكوا
ايوه خرجنا من دوري ابطال افريقيا
ايوه خرجنا من كاس مصر
ايوه اداء الاهلي سيء جدا
ايوه جوزيه مش دي اللي احنا عارفينه
ايوه لاعيبه كتير مستواها قل
ايوه الحكام ضدنا
ايوه فيه سوء حظ غريب بعد الخروج الافريقي بفرق هدف عن الوداد و جون رامي ربيعه
و لكن....
احنا الاهلي....افتكروا امجادنا و انتصارتنا
احنا مع الاهلي على طول
عمرنا ما هنبطل نشجعه
النادي كله محتاجلنا مش اللاعبين و جوزيه بس
جوزيه بيغلط كتير بس ياما عملنا كتير لازم نقف جنبه و نسانده
لازم نشجع كل اللي بيمثل النادي
كبوه و هتعدي ان شاء الله
و على راي تامر حسني اللي جاي احلى.....بكره هنولع في كل الفرق و نكسبها رايح جاي ان شاء الله
لازم نصمد وقت الزنقه....مش من اول مشكله او من اول مشكله صعبه نطلع نجري
لا لازم نثبت و نفضل ورا الاهلي
و اخيرا
بحبك يا اهلي على طول
===================================
0 comments:
Post a Comment